रुसी राष्ट्रपति भ्लादिमिर पुटिनया कट्टर आलोचक नाप अभियानकर्मी एलेक्सी नाभाल्नीयात जेल सजाय जुइगु दु ।

वयकःयात मस्काया छम्ह न्यायाधीशं स्वदँ व खुलाया लागि जेल सजाय बिःगु दु धका बीबीसीं धाःगु दु ।

थःत जेल सजाय जुइवं नाभाल्नीं राष्ट्रपति पुटिनविरुद्ध थःम्हेसिया चुनौती बियागुलि थःगु सः दबेयायेत स्वःगु धका प्रतिक्रिया बियादीगु दु ।

वयकःयात ज्वःगुलि रुसया थीथी थासय् विरोध प्रदर्शन जुयाच्वंगु दु ।

वःगु अगष्टय् रूसया ओम्स्कपाखे मस्को वनेगु झ्वलय् विमानय् अकस्मात बिरामी जुइवं नाभाल्नीयात आकस्मिक अवतरण याना उपचारय् यकूगु खः।

Categorized in अन्तर्राष्ट्रिय