समाजसेवी अजरमान जोशी प्रधान सेनापति प्रशंसा पदकपाखें सम्मानित जूगु दु ।

यलय् जनतालिसे सेनाया ज्याझ्वःयात प्रभावकारी दय्केत ब्यूगु महत्वपूर्ण योगदानयात च्वछासें नेपाली सेनां समाजसेवी जोशीयात उगु पदकपाखें सम्मानित याःगु खः ।

सेना दिवस– २०७७ या लसताय् जोशीयात नेपाली सेनां उगु पदक लःल्हाःगु खः । नेपाली सेनाया राजदल गणं जनतालिसे स्वापू थकाय्त ग्वसाः ग्वःगु थीथी ज्याझ्वः सुथां लाकेत जोशीं संयोजन यानादीगु खः ।

वय्कःया उगु हे संयोजनकारी भूमिका कदर यासें उगु पदक लःल्हाःगु खः ।

लहनान्युजलिसे खँ ल्हासें ललितपुर उद्योग वाणिज्य संघया पुलांम्ह नायः तकं खःम्ह समाजसेवी जोशीं थःगु योगदानया कदर याःगुलिइ नेपाली सेनाया प्रधानसेनापति पूर्णचन्द्र थापा, राजदल गणलिसें नेपाली सेनायात आभार प्वंकादिल ।

Categorized in राष्ट्रिय