२०७७ माघ १२, सोमबार

५० राउन्ड गोली नाप त्रिभुवन विमानस्थलय् छम्हेसित ज्वन

लहनान्युज | थिंंलागा षष्ठी ११४१, सोमवाः २० गते

त्रिभुवन अन्तर्राष्ट्रिय विमानस्थलय् पेस्तोल नाप ५० राउन्ड गोली ज्वना वम्ह छम्ह मनूयात ज्वःगु दु ।

झापाया मेचीनगर नगरपालिका २ याम्ह बद्रीहाङ राई ९ एमएम पेस्तोल नाप ५० राउन्ड गोलीसहित पक्राउ ज्वःगु दु धका महानगरीय विमानस्थल प्रहरी सुरक्षा कार्यालयं जानकारी बिःगु दु। राई श्री एयरलाइन्सपाखे झापापाखे भद्रपुर वना च्वम्ह खः। रक्षा जाँचया झ्वलय् राईया लगेजय् गोली लूगु धका कार्यालयया एसएसपी राजेशनाथ बास्तोला धाःगु दु ।

ज्वना तःम्ह राईयात महानगरीय प्रहरी वृत्त गौशालाया जिम्मा बिःगु दु । घटनाया थप अनुसन्धान जुयाच्वंगु दु । विस्तृत विवरण वये ल्यःदनि धका प्रहरीं धाःगु दु।

Categorized in अपराध