२०७७ माघ १२, सोमबार

अल्पमतय् दुम्ह प्रधानमन्त्रीं राजिनामा बिइमाःगु खः नेता गौतम

शोभा श्रेष्ठ | थिंंलागा नवमी ११४१, बिहीवाः २३ गते

राष्ट्रियसभा सदस्य वामदेव गौतमं राजीनामा बिया जुसा पार्टी एकता याये माःगु धाःसे संसद भंग यात धका प्रधानमन्त्रीया आलोचना याःगु दु। संसद विघटन नाप  सत्तारुढ नेपाल कम्युनिस्ट पार्टी (नेकपा) ओली व प्रचण्ड–माधव समूह विभाजित जुगु खः । निगु हे समूहय् मवःम्ह गौतमं बिहीवाः राष्ट्रियसभा बैठकय् पार्टी विभाजनया छु न औचित्य मदु धका धाःगु दु।

 

प्रधानमन्त्री ओलीया कार्यशैलीं पार्टी यक्को विवाद वःगु धका धाःगु दु। तर अविश्वासया प्रस्तावं थःगु हे पार्टीया नेतापिन्त पराजित यायेगु ज्या जुगु दु धका धासे वःगु ८ व ९ महिना निसे जि आलोचना याःगु समूहय् च्वना न पार्टी एकता यायेत अविश्वासया प्रस्तावयात असफल यानागु खः। पार्टीइ आरोप प्रत्यारोपसहितया पत्र तःगु इलय् जि न  सुधारया निम्ति सम्भव उपाय बालागु खः धक धयागु खः।

तर थुगु पालय् अविश्वासया प्रस्ताव यकूगु इलय् थःत मन्यगु धका धाःग खः । ५ गते प्रस्ताव वनिगु धका थःत जानकारी मदु धका धाःगु खः। प्रधानमन्त्री ओलीं अविश्वासया प्रस्तावपाखे जितः र्खास्त यायेत स्वःगु दुर्भाग्यपूर्ण जुइ धका धयागु खः। तर संसद भंग यायेत थःके मन्यगु धका न धाःगु दु। 

Categorized in राजनीति