काडिजलिसे ल्याः इउँगु बार्सा लिगया स्वंगूगु थासय्
सिल्लाथ्व दशमी ११४१, फागुन १० सोमबाः
स्पेनिस ला लिगा फुटबलय् उपाधि दाबेदार बार्सिलोना ज्वलिन्ज्वःलय् दिउगु दु । वंगु चान्हय् जूगु कासाय् बार्सिलोना काडिजलिसे १–१गू गोलया ज्वलिन्ज्वःलय् दिउगु खः ।
घरेलु मैदानय् सुरुवाती अग्रता ल्यंके मफूबलय् बार्सिलोनां ज्वलिन्ज्वःलय् नुगः चिइत बाध्य जुल । कासाया ३२गूगु मिनेटय् कप्तान लियोनल मेस्सीं पेनाल्टीइ गोल याना बार्सिलोनायात अग्रता बिउगु खः ।
तर, कासाया ८९ गूगु मिनेटय् एलेक्स फर्नान्डेजं पेनाल्टीइ गोल याना काडिजयात बुइगुपाखें ल्यंकुगु खः । कासा ज्वलिन्ज्वः जूगु नापं बार्सिलोनां २३गू कासाय् ४७ गू ल्याः मुंगु दु ।
बार्सिलोना लिगया ३गूगु थासय् दु । काडिज २५गू ल्याः मुना १४गूगु थासय् दु ।
Categorized in कासा
