विल्पव समूहया मोरङ इन्जार्जयात ज्वन
पोहेलाथ्व अष्टमी ११४१, माघ ८ विहीबाः
मोरङया मिक्लाजुङ गाउँपालिका–१ बर्खेया शिक्षक राजेन्द्र श्रेष्ठया हत्या याना बिस्युंवनाच्वंगू आरोपय् प्रहरीले विप्लव समूहया छम्ह नेतायात ज्वंगु दु ।
श्रेष्ठया स्याय्ज्याय् संलग्न जूगु आरोपय् डिवि सिलवाल धइम्ह धनबहादुर विकयात ज्वंगु खः ।
जिल्ला प्रहरी ज्याकू मोरङया प्रहरी उपरीक्षक सन्तोष खड्काया कथं बुधबाः बुढीगंगा गाउँपालिका– ४ पाखें ३२दँया विक यात ज्वंगु खः ।
वय्क विप्लव पुचःया मोरङ जिल्ला इञ्चार्ज नं खः ।
शिक्षक श्रेष्ठयात स्यायबलये वय्क मेची–कोसी ब्यूरो दुजः खः । ५४दँया शिक्षक श्रेष्ठया वंगु मंसिर २३ गते सुथय् सीगु खः ।
स्याय्ज्याय् ६म्ह दुथ्याःगु प्रहरी अनुसन्धानं क्यंगु दु । प्रहरी स्रोतय कथं शिक्षक श्रेष्ठाया थःगु छेँय्सं यंकेगु पुचःलय न्ह्यलुवा विकनं याःगु खः ।
मोरङं निम्हलिसें मेपिं ५म्ह बिस्यूंवनाच्वंगु प्रहरी न्ह्यथंगु दु ।
प्रहरीया कथं विप्लव समूहलं छुं दिंन्ह्यनिसें उद्योगी व्यावसायीतय्के चन्दा फ्वनेगु धम्की बिइगु थुें जाःगु आपराधिक ज्याझ्वः यानाच्वंगु खः ।
विकयात चन्दा संकलन यानाच्वंगु झ्वलय् ज्वंगु खः ।
