ब्राजिलय् गोली हानाहान जुल
चौलागा एकादशी ११४१,बैसाख २४ शुक्रवाः
ब्राजिलय् प्रहरीं चेकजाँच यायेगु झ्वलय् गोलीकाण्ड जूगु दु । प्रहरीं अप्रेशन यानाच्वंगु ईलय् विपक्षीतय्सं गोलीं कयेकूगु खः ।
अनलिं प्रहरीं न गोलीं कयेकूगु धागु दु । घटनाय् २५म्ह सीगु दु । स्थानीय मिडियायात उदृत यानाः बीबीसीं धाःकथं ब्राजिलया राजधानी रियो दि जेनेरियोलय् जूगु गोलीकाण्डय् छम्ह प्रहरी अधिकारी न सीगु दु ।
रियो दि जेनेरियो शहरया जकारेजिन्हो क्षेत्रस्थित झुग्गी बस्तीइ प्रहरीं चेकजाँच अप्रेशन न्ह्याकूगु खः ।
उगु क्षेत्रय् २सःम्ह मल्याक प्रहरी परिचालन यानाः चेकजाँच अप्रशेन याःगु धागु दु । रियो दि जेनेरियो ब्राजिलया दकले हिंस्रक राज्य मध्येया छगू खः ।
थ्व राज्यया अधिकांश क्षेत्र अपराधीतय्गु नियन्त्रणय् दु । इपिं मध्ये यक्वः थासय् लागु औषध तस्करी याइपिनिगु पुचःया प्रभाव दु ।
Categorized in अन्तर्राष्ट्रिय
