च्याम्पियन्स लिग फुटबलय् पीएसजीं बायर्न म्युनिखयात बुकल, एफसी पोर्टोयात चेल्सीं बुकल
लहनान्यूज | चिल्लागा द्वादशी ११४१, चैत्र २६ गते, विहीबाः
युरोपियन च्याम्पियन्स लिग फुटबलअन्तर्गत क्वाटरफाइनलया न्हापांगु लेगय् चेल्सी व पेरिस सेन्ट जर्मेन, पिएसजी त्याःगु दु ।
पोर्चुगलय् जूगु कासाय् चेल्सीं एफसी पोर्टायात २–० गोलं बुकूगु खः । चेल्सीया नितिं मेसन माउन्ट व बेन चिलवेलं छगोल–छगोल याःगु दु ।
उखय् जर्मनीइ जूगु कासाय् घरेलु टोली वायर्न म्युनिखयात फ्रान्सया पिएसजीं ३–२गु गोल अन्तरं बुकूगु दु । पीएसजीया नितिं किलियन एम्बाप्पें निगोल अले मार्कीनोजं छगोल याःगु दु ।
वायर्नया छुपो मोटिङ व थोमस मुलरं छगोल–छगोल याःगु खः । वंगु चान्हय् जूगु कासा त्याकूगु चेल्सी व पिएसजी, सेमिफाईनल थ्यंकेगु सम्भावना दु ।
बूगु पुचः बायर्न म्युनिख व पोर्टो निगूगु लेगय् दबाबय् दुगु दु ।
Categorized in कासा
