भारतय् कोरोना भाइरस नियन्त्रणया लागि जारी याःगु निर्देशिका लागू जुयाच्वंगु ई क्वचात्यःलि हानं थपे याःगु दु।

भारतीय केन्द्रीय सरकारं निर्देशिका कार्यान्वयनया ई लच्छि थपे यायेगु घोषणा याःगु दु । छेँय् पिहावयेत हरेक नागरिकपिन्स मास्क अनिवार्य तये माःगु, सामाजिक दूरी कायम यायेमाःगु, स्यानिटाइजर छ्यले माःगु व सावः लखं ल्हासिले माःगु लगायत नियमया पालना यायेमाःगु व्यवस्था उगु निर्देशिकाय् दु।

थ्व स्वयान्हयःया निर्देशिकाय् थ्व हे जनवरीइ तक लागू यायेगु निर्णय जुगु खः । आः थुगु निर्देशिका फेब्रुअरी २८ तारिख तक लागू यायेगु निर्णय याःगु खः। भारतय् लिपागु छु महिनानिसे कोरोना भाइरसपाखे सङ्क्रमित जूपि म्हो जुया वःगुलि सरकारं निर्देशिकायात कडा कथं लागू यायेगु निर्णय याःगु खः।

भारतय् आः सङ्क्रमितपिनिगु अवस्थाय् दु व न्हुपिं थपे जुपि सङ्क्रमित आः म्हो जुया वयाच्वंगु दु। 

Categorized in अन्तर्राष्ट्रिय