नेकपा ओली समूहया अध्यक्ष केपी शर्मा ओलीं पार्टी विभाजन हे मजूगु धका दाबी यानादीगु दु।

नाप पाटीइ थःहे आधिकारिक जूगु धका वयकलं छ्वयादीगु  जानकारी अभिलेखिकरण यासे निर्वाचन आयोगपाखे हे पार्टी एकता भंगया घोषणा जुइगु दाबी यानादीगु दु। निर्वाचन आयोगं वःगु पुस २३ गते निगु समूहयात राजनीतिक दल सम्बन्धी नियमावलीया नियम २५ कथं न्ह्यन्हुया दुने ‘सुधारय् जुगु विवरण’ पेश यायेत धाःगु खः । आयोगं तोके याःगु म्यादया लिपाःगु दिं थौ ओली व प्रचण्ड–माधव निगु समूहपाखे लिसः छ्रवःगु खः।

ओलीं ११ पेज ताहाकःगु लिसः छ्वःगु खः, ‘पुष्पकमल दाहाल तक आयोगया पत्र छ्वया पार्टी विभाजनया हिसावं पत्राचार यासा नेपाल कम्युनिस्ट पार्टी (नेकपा) विभाजन जुगु हे मदु धका धाःगु खः।’ थःगु नेतृत्वय् वइगु मंसिर २–६ गते तक एकता महाधिवेशन यायेगु निर्णय यासे पार्टीया न्हापाम्ह अध्यक्षया नातां पार्टी एकीकरणया मर्म कथं व विधान कथं गठन जूगु केन्द्रीय कमिटीइ प्रचण्ड निम्हम्ह अध्यक्ष व माधवकुमार नेपाल निम्हम्ह अध्यक्ष धका धाःगु खः।

प्रचण्ड–माधव समूह न पेश याःगु माइन्यूटय् ल्हाचिं तःपिमध्ये यक्को थःपिन्स सःतयाःगु बैठकय् ल्हाःचिं तःगु धका तक  दाबी याःगु दु।  पाटीया न्हापाम्ह अध्यक्ष थः जुगुलि थः हे आधिकारिक जुगु धका वयकलं पटकपटक दाबी याःगु दु।

Categorized in राजनीति