नक्कली पीसीआर रिपोर्ट नाप विदेश वने त्यःपि न्ह्यम्हेसित प्रहरीं त्रिभुवन अन्तर्राष्ट्रिय विमानस्थलपाखे ज्वःगु दु।

म्हिगः शनिवाः बहनिया फ्लाईपाखे दुबई उडानं दुबई वनेत्यःपिन्त विमानस्थल थ्यःपि सल्यानया खैरागर छेँ दुम्ह दिनेश सिंह नाप न्ह्यम्हेसित प्रहरीं ज्वःगु खः।

उपि न्ह्यम्हेसिगु पीसीआर रिपोर्ट नक्कली जुगु शङ्का वःगुलि न्यनेगु झ्वलय् उमिगु फरक व्यवहार क्यनेवं अनुसन्धान याःगु खः। उमिगु रिपोर्ट नक्कली पुष्टि जुगु धका प्रहरीं धाःगु खः।

थुकिया सम्बन्धय् प्रहरी थप अनुसन्धान यानाच्वःगु दु ।

Categorized in अपराध