ललितपुर चेम्बर अफ कमर्श न नेवाः पत्रकार राष्ट्रिय दबूयात छगु ज्याझ्वः दथुइ सम्मान याःगु दु ।

चेम्बर अफ कमर्शया न्हापागु वार्षिक साधारण सभाया लसताय् थौं शनिवाः जुगु ज्याझ्वलय् नेवाः पत्रकार राष्ट्रिय दबूयात संस्थागत रुपं कदरपत्र लल्हाःगु दु। उगु ज्याझ्वलय् नेपाल चेम्बर कमर्शया अध्यक्ष राजेशकाजी श्रेष्ठं पत्रकार राष्ट्रिय दबूया महासचिव सुनील महर्जनयात खादा व अर्थमन्त्री विष्णु पौडेलं हनापौ लल्हानादीगु खः।

महासचिव नेपाल समाचारपत्र राष्ट्रिय दैनिकया सहायक सम्पादक तक जुयादीम्ह खः।

उगु ज्याझ्वलय् सञ्चार क्षेत्रपाखे कमर्श स्थापना नाप आर्थिक समृद्धि, व्यवसायी पिनिग्ु समस्या व हकहितया पक्षय् सञ्चार क्षेत्रं महत्वपूर्ण योगदान याःगुलि नेपाल मण्डल टेलिभिजन, उज्यालो एफएम नेटवर्क व अनलाईन पत्रिकायात कदर पत्र प्रदान लल्हाःगु खः ।

Categorized in राष्ट्रिय