थुगुसी ३न्हू तक्क प्रजातन्त्र दिवस हनेगु, ६सः कैदीतयेगु कैद माफ याइगु
सिल्लाथ्व षष्ठी ११४१, फागुन ६ बिहीवाः
सरकारं थौंनिसेंं थी थी ज्याझ्व याना ३न्हू तक्क प्रजातन्त्र दिवस हनेगु निर्णय याःगु दु ।
२००७ फागुन ७ गते जहानिया राणा शासन अन्त्य जुया प्रजातन्त्र स्थापना जूगु लुमन्तिइ दँय्दसं हनिगु राष्ट्रिय प्रजातन्त्र दिवस देय्यंक थी थी ज्याझ्व याना हनेत्यंगु दु ।
थुगु लसताय् देय्यंक व विदेशय् च्वंगु नेपाली राजदूतावास, कूटनीतिक नियोग व वाणिज्य दूतावासय् राष्ट्रिय दिवसया कथं हनेत्यंगु दु ।
वंगु माघ २० गते प्रधानमन्त्री निवास बालुवाटारय् च्वंगु मुँज्या दिवस हनेत प्रधानमन्त्री केपी शर्मा ओलीया नायःसुइ मूल समारोह समिति गठन याःगु खः ।
थ्वेह दथुई प्रजातन्त्र दिवसया अवसरये थ्यंमथ्यं ६सः कैदीपिन्त त्वतेगु जूगु दु ।
दिवसया झ्वलय् दँय्दसँ कैद मिनाहा याना वयाच्वंगु सरकारं थुगुसी ६सः म्ह कैदीयात त्वतेत्यंगु कारागार व्यवस्थापन विभागया मू द्रोण पोखरेलं जानकारी बियादिल ।
बाँलागु चाल–चलन दुपिं, ज्याथजिथलिसें ६सः कैदीपिनिगु कैद मिनाहा जुइमाःगु धासें गृह मन्त्रालयस सिफारिस यानागु वय्कलं जानकारी बियादिल ।
गृह थ्यंगु उगु सिफारिस मन्त्रिपरिषदं पास जुया राष्ट्रपतिं कैद मिनाहा यायेगु व्यवस्था दु ।
थ्वः बाहेक मेगु अपराधया हकमा ५० प्रतिशत कैद भुक्तान यायेधुंकपिन्त सरकारया सिफारिसय् कैद मिनाहा यायेग प्रावधान दु ।
