देशया हे तःधंगु क्षमताया ढल्केबर सबस्टेसन तयार, सोमबार उलेज्या
पोहेलागा तृतीया ११४१, माघ १८ आइतवाः
देशया आः तक्कया हे तःधंगु क्षमताया ढल्केबर सबस्टेसनयात पूवंक कथं सञ्चालनय् हयेगु तयारी याःगु दु ।
आः ढल्केबरय् सच्छि व ६०गू एमभीएया निगः व ३ सः व १५गू एमभीएया छगः याना ६सःव ३५गू एमभीएया ट्रान्सफर्मर जडान जूगु दु । सबस्टेसन जीआईएस प्रविधियुक्त स्वचालित सबस्टेसन तकं खः ।
उगु सबस्टेसन आः सञ्चालनय् दूगु सबस्टेसनमध्ये दक्वःलय् तःधंगु खः । सबस्टेसनय् जडान याःगु ३सः व १५गू एमभीएया थप पावर ट्रान्सफर्मरया वंगु पुस १९ गते निसें चार्ज याना फुक्क परीक्षण क्वचायेधुंकुगु दु ।
प्राधिकरणया कायम मुकायम कार्यकारी निर्देशक हितेन्द्रदेव शाक्यया कथं उगु सबस्टेसन नेपालय् दूगु संरचना मध्येया दक्वःलय् तःधंगु खः ।
देय् दुने हे पूर्व–पश्चिम विद्युत् आपूर्ति व भारतलिसे विद्युत् व्यापारया नितिं ढल्कबेर सबस्टेसन तःधंगु हव जूगु दु ।
सबस्टेशन चार्ज जुइधुंका नेपाः भारत दथुइ थ्यंमथ्यं द्वःछि मेगावाट विद्युत् आयात निर्यातया नितिं पूर्वाधार तयार जूगु दु । नापं , ४सः व ५६गू मेगावाटया माथिल्लो तामाकोसी जलविद्युत् आयोजनाया विद्युत् राष्ट्रिय प्रसारण प्रणालीइ अपुक प्रवाह यायेत व देय् दुने खपत जुइ मफूगु मत भारत निर्यात यायेफइ ।
प्रधानमन्त्री केपी शर्मा ओलीं उगु सबस्टेसनया कन्हय् उलेज्या यानादीगु ज्याझ्व दु ।