धनगढी एफसी १०गू ल्यालिसें न्हापांगु थासय्
चौलागा नवमी ११४१,बैसाख २२ बुधवाः
धनगढी एफसी येँ न्ह्यनाच्वंगु नेपाल सुपर लिग एनएसएल फुटबलया न्हापांगु थासय् लाःगु दु ।
त्रिपुरेश्वरस्थित दशरथ रंगशालाय् जूगु न्याक्वःगु झ्वःया न्हापांगु कासाय् पोखरा थण्डर्सया ०÷१गुलिं बुका धनगढी न्हापांगु थासय् लायेत ताःलाःगु खः ।
कासाया ६८गू मिनेटय् दर्शन गुरुङं याःगु गोलं धनगढी त्याःगु खः । जितलिपा धनगढी न्यागू कासां १०गू ल्यालिसें न्हापांगु थासय् थ्यंगु दु । प्यंगु कासां न्हेगु ल्याया विराटनगर सिटी एफसी निगूगु व काठमाडौं रेजर्स न्हेगे ल्याखं हे स्वंगूगु थासय् लाःगु दु ।
बुटवल लुम्बिनी एफसी न्यागू ल्यालिसें प्यंगुगु व समान ल्याखं पोखरा न्यागूगु थासय् लानाच्वंगु दु । ललितपुर सिटी एफसी स्वंगगु ल्याखं खुगुगु व एफसी चितवन निगू ल्यालिसें दकले लिपांगु थासय् लानाच्वंगु दु ।
निगू झ्वःया कासा ल्यंदनिबलय् प्लेअफ समीकरण नं रोमाञ्चक जुयावंगु दु । लिग झ्वः क्वछायेधुंका शीर्ष प्यंगु पुचः प्लेअफय् थ्यनिइ ।
Categorized in कासा
