कोरोनाया कारण देयन्यक ४० प्रतिशत अप्पा उद्योग बन्द जुगु दु । कोरोनाया कारण भारतीय मजदुर हयेमफुगुलि उद्योग बन्द जुगु खः ।

निजी व सरकारी निर्माणया ज्याय् प्रभावित जुगुलि अप्पाया माग घटे जुगुलि उद्योगपि बन्द यायेमाःगु धका उद्योगीपिन्स धाःगु दु। अप्पा उद्योगीपिन्स कोभिडया कारण अर्बौं ध्यवा गुम याये माःगु दु धका नेपाल इँटा उद्योग महासङ्घं धाःगु दु ।

वःगु दँय् यक्को वाः वगुलि न अप्पा यक्को नोक्सान जुगु नाप कोभिड प्रभावया कारण व्यवसायी थप समस्या जुगु धका धाःगु दु ।

अप्पा उद्योग आत्मनिर्भर जूसा मजदुर धाःसा भारतीयपि निर्भर जुइ माःगु बाध्यता दु । वःगु दँया तथ्याङ्क स्वयेगु खःसा ६६ प्रतिशत मजदुर भारतीयपि खः।

Categorized in राष्ट्रिय