युरोपा लिग फुटबलय् क्लबहरु म्यान्चेस्टर युनाईटेड व टोटनह्याम त्यात, आर्सनललिसे ज्वलिंज्वलय् यात पोर्चुगलया बेनिफिकां
सिल्लाथ्व सप्तमी ११४१, फागुन ७ शुक्रवाः
युरोपा लिग फुटबलय् इंग्लीश क्लबत म्यान्चेस्टर युनाईटेड व टोटनह्याम हट्सपर त्याबलय् आर्सनल व लेष्टर सिटीं थःथःगु कासा ज्वलिन्ज्वः म्हिगूगु दु ।
वंगु चान्हय् जूगु कासाय् म्यान्चेस्टर युनाईटेडं स्पेनया रियाल सोसिडाडयात उमिगु हे ख्यःलय् ४–० या गोल अन्तरं बुकुगु दु । अथेहे टोटनह्याम हट्सपरं अष्ट्रियाया वुल्प्mसवर्गर एसीयात ४–१गू गाल अन्तरं बुकल ।
आर्सनलयात पोर्चुगलया बेनिफिकां १गू–१गू गोलया ज्वलिन्ज्वः दिकुबलय् मेगु इंग्लीश क्लब लेष्टर सिटीं चेक गणतन्त्रया स्लाभिया प्रागलिसे गोल मयासें ज्वलिन्ज्वः म्हितूगु दु ।
युरोपा लिगया मेगु कासाय् इटालीया ए.एस. रोमां पोर्चुगलया ब्रागायात २–०या गोल अन्तरं बुकुबलय् मेगु इटालीयन क्लब एसी मिलानं सर्वियाया रेडस्टार बेलग्रेडलिसे २गू–२गू गोलया ज्वलिन्ज्वः कासा म्हितूगु दु ।
इटालीया हे नापोलीयात वंगु चान्हय् स्पेनया ग्रानाडां २–०या गोल अन्तरं बुकुगु दु । युरोपा लिगया मेगु कासाय् नेदरल्याण्ड्सया आयाक्स, स्पेनया भियारियाल, स्कटल्याण्डया रेन्जर्स व ग्रिसया ओलम्पियाकोस नं कासा त्यागु दु ।
Categorized in कासा
