१७दँ पुवन फेसबुक
पोहेलागा सप्तमी ११४१, माघ २२ बिहीवाः
सोसल मिडिया साइट फेसबुकं थौं १७दँ पूवंकूगु दु । हावर्ड युनिभर्सिटीया ४म्ह ब्वंमिपिं मार्क जुकरबर्ग, एडुआर्डाे सेभरिन, डस्टिन मोस्कोवित्ज, क्रिस ह्यूजं ४ फेब्रुअरी २००४ य् लञ्च याःगु खः ।
न्हापां थुकिया नां “द फेसबुक” तःगु खः । थ्वः साइट हावर्ड युनिभर्सिटीया ब्वनामिपिनिगु नितिं पिकाःगु खः । सुरुवातय् थ्वः अमेरिकाया कलेजय् फेसबुक एप न्ह्याकूगु खः ।
थुकिया क्रेस खना पेपलया फाउण्डर पिटर थीलं फेसबुकय् ३५५ करोड ध्यबा लाय् तल । २०१२ य् फेसबुक छ्यलिपिंनिगु ल्याः १गू अर्ब थ्यन, गुकिंयाना हलिंया हे तःधंगु सोसल मिडिया प्लेटफर्म जूल ।
क्यालिफोर्नियाया मेनलो पार्कय् फेसबुकया मू ज्याकूथि दु ।
