इन्डोनेशियाय् शक्तिशाली ज्वालामुखी बिस्फोट जुल
सिल्लागाः चौथी ११४१, फागुन १९ बुधवाः
इन्डोनेशियाय् शक्तिशाली ज्वालामुखी बिस्फोट जुइधुंकाः उच्च सतर्कता नालाकाःगु दु ।
इन्डोनेशियाया माउन्ट सिनाबंगय् ज्वालामुखी बिस्फोट जूगुलिसें उगु क्षेत्रया ३ किलोमिटर जःखः च्वनीपिं सर्वसाधारणयात सुरक्षित थासय् ल्ह्यःगु दु ।
बिस्फोट धुंकाः उगु ज्वालामुखीया कुँ ५ किलोमिटर च्वय्तक्क न्यनावंगु खः ।
भुखाय्या जोखिमय् दुगु उगु क्षेत्रय् जुइगु याःगु ज्वालामुखी बिस्फोटं इन्डोनेशियाया उत्तरी सुमात्रा प्रान्तय् नं उच्च सतर्कता नालाकाःगु दु ।
इन्डोनेशियाय् आः सच्छि व ३० ज्वालामुखी सक्रिय दु । गुगु हलिंया मेगु राष्ट्रतय् सक्रिय ज्वालामुखीया तुलनाय् अप्वः खः ।
इन्डोनेशियाय् सन् २०१० निसें आःतक्क तःक्वः हे ज्वालामुखी बिस्फोट जुइधुंकूगु दु ।
गुकी सन् २०१३ सेप्टेम्बर १५ य् जूगु बिस्फोटया हुनिं ३द्वः व ७सः छेँजः बिस्थापित जूगु खः ।
