आईपीएल क्रिकेटय् मुम्बई न चेन्नईयात ४ विकेटं त्याकल
लहानान्युज | चौलागा षष्ठी ११४१,बैसाख १९ आईतवाः
इन्डियन प्रिमियर लिग (आईपीएल) क्रिकेटय् मुम्बई ईन्डियन्सं चेन्नई सुपर किङ्ग्सयात प्यंगु विकेटं त्याकगु दु ।
म्हिगः चान्ह्य दिल्लीइ जुग कासाय् चेन्नई न बिगु २१९ रनया लक्ष्य मुम्बई न २० ओभरय् ६ विकेट गुमे याना पूरा यागु खः ।
मुम्बईया केइरोन पोलार्डं अविजित ८७ रन ३४ बलय् ८ छक्का व ६ चौका प्रहार याना अर्धशतकीय इनिङ्स म्हितीगु खः ।
अथेहे क्विनटन डी ककं ३८ रन, कप्तान रोहित शर्मा ३५ रन, कुनाल पाण्डेय ३२ रन व हार्दिक पाण्डेयं १६ रन दयकूगु खः ।
टस त्याका न्हापां ब्याटिङ यागु चेन्नई न २० ओभरय् ४ विकेट गुमे याना २१८ रन दयकूगु खः।
चेन्नई सुपर किङ्ग्सया लागि रायडुं अविजित ७२ रनया अर्धशतकीय, अली ५८ रन व प्लेसिसं ५० रन दयकूगु खः।
थुगु कासा लिपा मुम्बईया ७ कासाय् ८ अङ्क जुगु दु।
अथेहे चेन्नईया ७ गु कासाय् १० अङ्क जुगु दु । लिगय् शीर्ष स्थान यथावत जुगु दु।
Categorized in कासा
