जनता समाजवादी पार्टी (जसपा) नं संसद विघटनया विरोधय् येँ प्रदर्शन व विरोधसभा याये त्यःगु दु ।

जसपा निकट भ्रातृ व जनसंगठनपि नाप स्वनिगःया स्वगु हे जिल्ला कमिटीं फागुन ९ गते रत्नपार्कय् संयुक्त प्रदर्शन व विरोधसभा यायेत्यःगु दु ।

बुधवाः येँ च्वंगु पार्टी पदाधिकारीपिनिगु बैठकं प्रतिनिधिसभा विघटनयात प्रतिगमनकारी पलाः धाःसे संघषया ज्याझ्वःयात निरन्तरता बिइगु निर्णय यानागु दु धका जसपाया सूचना तथा प्रचार विभाग प्रमुखं जानकारी बिःगु दु।

फागुन ९ गते जसपां दक्को महानगर, उपमहानगर, नगर व गाउँपालिकाय् जनप्रदर्शन व विरोध सभा यायेगु निर्णय याःगु दु।

Categorized in राजनीति