२०७९ श्रावण २५, बुधबार

कंगना, इन्दिरा गान्धीया भूमिकाय्

पोहेलागा तृतीया ११४१, माघ १८ आइतवाः

भारतीय अभिनेत्री कंगना रावतं राजनीतिक फिल्मय् इन्दिरा गान्धीया भूमिकाया संकिपा म्हितिगु जूगु दु ।
भारतया पुलाँम्ह प्रधानमन्त्री तक्कं जुयादिइम्ह इन्दिरा गान्धीया जीवनी दयेकूगु संकिपाय् कंगना लिसें मेपिं लोकंह्वाःपिं कलाकारपिनिगु अभिनय दइगु कंगना धयादिल । 
कंगनां ट्विटरय्, गान्धीया जीवनीया लिधंसाय् मखुसे छगू ऐतिहासिक घटनाया लिधँसाय् संकिपा जूगु धयादिल ।
‘थुकिं भारतया आःया सन्ततिं भारतया राजनैतिक, सामाजिक इतिहासबारे सिइके फइ’, वय्कलं धयादिल, ‘थुकिया स्क्रिप्टया ज्या म्होजक दनिगु व याकनं हे रिलिज जुई’ ।
वय्कलं गान्धीया भूमिकाय् म्हितिगु छगू किपा तकं सार्वजनिक यानादीगु दु । भारतीय राजनीतिया इतिहासय् दक्कल अप्वः प्रतिष्ठित मनुतय्गु भूमिका म्हितेत अतिकं पियाच्वनागु न कंगना धयादिल ।
कंगनां निर्माण दूगु थ्वः संकिपाया कथा लेखन व निर्देशन साइ कबिरं यानादि । एजेन्सी
 
Categorized in मनोरन्जन