येँ प्रदूषण बिस्तारं घटे जुल
शोभा श्रेष्ठ | थिंंलागा नवमी ११४१, बिहीवाः २३ गते
सुपाँय् भुनिइ हटे जुइवं येँ जुयाच्वंगु थीथी थासय् प्रदूषण बिस्तार घटे जुया वःगु दु ।
म्हिगः निसे हे प्रदूषण घटे जुया वःगु खः। म्हिगः स्वया थौं अझ येँ सफा खने दुगु दु। आकाश खुले जुया प्रदूषित फँय् पिने वनेवं प्रदूषणया स्तर घटे जुगु धका वातावरणविदपिन्स धाःगु दु।
तर प्रदूषण कम जुसा चिकूया महिनाय् प्रदूषणया उत्पादन यक्को जुइगुलि पूर्णरुपं हटे जुइगु सम्भावना मदस धका वातावरणविदं धाःगु दु । चिकू छले यायेत मिँ च्याकिइगु, फोहोर च्याकिइग थे जुइगु ज्या याना थथे प्रदूषण अप्वो जुइगु खः।
आकाशय् सुपाँय् भुनिइवं सोमवाः व मंगलवाः येँ, नेपालगञ्ज व हेटौँडा नाप थीथी थासय् वायु प्रदूषणया स्तर स्वास्थ्यया लागि खतराय् थ्यःगु खः।
Categorized in राष्ट्रिय
