लिभरपुल एभर्टनलिसे बुत
सिल्लाथ्व नवमी ११४१, फागुन ९ आइतवाः
इंग्लीश प्रिमियर लिग फुटबलय् साविक त्याकामि लिभरपुलयात एभर्टनं २–० गोलं बुकूगु दु ।
वंगु चान्हय् लिभरपुलया ख्यः एन्फील्डय् जूगु मर्सीसाइड डर्बीइ पाहां टोली एभर्टनं महत्वपूर्ण जित ल्हातय् लाकूगु खः ।
कासाय् एभर्टनयात त्याकेत रिचार्लीसन व जिल्फी सिगुर्डसनं १÷१ गोल यात । सन् १९९९ धुंकाः एभर्टनं लिभरपुलयात वयागु हे ख्यलय् बुकूगु धइगु थ्व न्हापांगु खुसी खः ।
प्रिमियर लिगया हे मेगु कासाय् चेल्सी व साउथह्याम्पटन १–१ गोलया ज्वलिंज्वलय् द्यूबलय् वेष्ट ब्रोमं बन्र्लेयात गोलरहित ज्वलिंज्वलय् पंगु दु ।
वंगु चान्हय् फुल्हमं शेफिल्ड युनाईटेडयात १–० बुकल । प्रिमियर लिगय् थौं बहनी प्यंगू कासा जुइ ।
शिर्ष थाय्या म्यान्चेस्टर सिटीं आर्सनललिसे म्हितीबलय् टोटनह्याम हट्सपर व वेष्ट ह्याम युनाईटेड, एस्टन भिल्ला व लेष्टर सिटी अले म्यान्चेस्टर युनाईटेड व न्युकासल युनाईटेड चुलिंचू लायेत्यंगु दु ।
