२०७७ माघ ५, सोमबार

पूर्वगोलकिपर लोकबहादुर शाही मन्त

लहनान्युज | थिंंलागा त्रयोदशी ११४१, पुस २७ आइतवाः

नेपाली राष्ट्रिय फुटबल टिमया पूर्वगोलकिपर लोकबहादुर शाही मन्त।

अखिल नेपाल फुटबल संघ (एन्फा)या पूर्वमहासचिव तक जुयादीम्ह शाही ६५ दँय् आइतवाः बहनी दैलेखय् मदुगु धका एन्फा अध्यक्ष धाःगु दु ।

शाहीया थीथी अंगय् समस्या खनेदुगु खः । वयकःया पुलागु छेँ दैलेखय् हे अन्तिम संस्कार याःगु खः। शाही नेपाली फुटबलया छम्ह वालाम्ह गोलकिपर मध्ये छम्ह खः। वयकः ८० या दशकय् नेपाली टोलीपाखे म्हितीइम्ह खः । लिपा वयकः नेपाली फुटबलया प्रशासन व व्यवस्थापकया रुपय् च्वना ज्या यानादी धुकुम्ह खः। नेपालय् सन् १९८४ या साफ फुटबलय् स्वर्ण पदक त्याकूगु इलय् उकिइ छम्ह सदस्य खः।

वयकलं सन् १९८२ निसे १९८९ तक नेपालया राष्ट्रिय टिमपाखे म्हितूगु खः। वयकः नेपाल आइस हक्की संघया संस्थापक अध्यक्ष न जुयादी ।

Categorized in कासा