म्यान्चेस्टर युनाईटेडयात क्रिष्टल प्यालेसं ज्वलिन्ज्वःलय् दिकल
लहनान्युज | सिल्लागाः षष्ठी ११४१, फागुन २० बिहीवाः
इंग्लीश प्रिमियर लिग फुटबलय् म्यान्चेस्टर युनाईटेडयात क्रिष्टल प्यालेसं गोल मयासें ज्वलिन्ज्वःलय् दिकुगु दु ।
वंगु चान्हय् क्रिष्टल प्यालेसया ख्यःलय् जूगु कासा ज्वलिन्ज्वःलय् क्वचायेधुका म्यान्चेस्टर युनाईटेडं शीर्ष थाय्या म्यान्चेस्टर सिटीनाप ल्याः दूरी म्हो यायेगु ह्वता त्वफिकुगु दु ।
लिगय् २७ गू कासापाखें सिटीया ६५गू ल्याः जूगु दुसा युनाईटेडया ५१गू ल्याः जूगु दु ।
३गूगु थाय्या लेष्टर सिटीया ५०गू ल्याः दु । वंगु चान्हय् जूगु कासाय् लेष्टर सिटीं बर्न्लेलिसे १गू–१गू गोलया ज्वलिन्ज्वः कासा म्हितुगु दु ।
प्रिमियर लिगया हे मेगु कासाय् शेफिल्ड युनाईटेडं एस्टन भिल्लायात १–०या गोल अन्तरं बुकुगु दु ।
थ्व जितनापं ल्याः धलःया लिउने दूगु शेफिल्डयात छुं राहत चूलागु दु । लिगय् २७गू कासां शेफिल्डया १४गू ल्याः जूगु दु ।
उपिं रेलिगेशन क्षेत्र सिवें च्वयेय्या न्युकासल युनाईट्ेड सिवें १२गू ल्याःखं लिउने दु ।
