नेपाली कांग्रेस केन्द्रीय समितिया बैठक थौं च्वने त्यःगु दु । केन्द्रीय कार्यालय सानेपाय् थौं न्हिनय् छताः इलय् बैठक च्वने त्यःगु खः।

उगु बैठकय् प्रतिनिधि सभा विघटनविरुद्ध कांग्रेसया रणनीतिबारे छलफल जुइ त्यःगु दु । वःगु ७ गतेनिसे सुरु जुगु बैठक सरकारविरुद्ध प्रदर्शन व मेलमिलाप दिवसया ज्याझ्वलय् केन्द्रीत जुइगु धाःसे ९ गते तकया लागि स्थगित याःगु खः । उकियात हे निरन्तरता बिउसे बैठक थौं च्वने त्यःगु खः। १२६ म्ह केन्द्रीय सदस्य मध्ये २० म्हेसिया थःगु धारणा तये धुकुगु दु ।

थ्व स्वया न्ह्यः केन्द्रीय समितिया बैठकं निर्णय यासे देय् न्यकंया निर्वाचन क्षेत्रय् कांग्रेसं सरकारविरुद्ध प्रदर्शन याःगु खः।

तर, कांग्रेसय् निगु समूहया मत ल्वागुलि थौं च्वने त्यःगु बैंठक गज्याथु रणनीति काइ धइगु सिइदइ।

Categorized in राजनीति