सशस्त्र प्रहरीं कञ्चनपुरय् बेलौरी नगरपालिका– ८ पचुँइपाखे नक्कली नेपाली नोट नाप निम्हेसित ज्वःगु दु।

लालझाडी गाउँपालिका–१ या २३ दँ दुम्ह सञ्जय राना व उगु हे थासय् च्वम्ह २२ दँ दुम्ह इन्द्रसिंह रानायात नक्कली नोट दयेकेगु सामग्री व नक्कली नोटस नाप म्हिगः शनिवाः बहनि ज्वःगु दु धका सशस्त्र प्रहरी बल ३५ नम्बर गण हेडक्वाटर शैलेश्वरीया सशस्त्र प्रहरी उपरीक्षकं जानकारी बिःगु दु।

सशस्त्र प्रहरी उपरीक्षकया कथं उमि नाप नक्कली नोट दय्केगु भ्वँ २००पाः, नक्कली नोट द्धःछि वःगु न्यापाः, मोबाइल फोन निगः, नगद रु १६०, मोटरसाइकलया लाइसेन्स व ब्लुबुक बरामद याःगु दु। ज्वपि निम्हेसित बरामद नक्कली नोट व नक्कली नोट दय्केगु सामान नाप माःगु कारबाहीया लागि प्रहरीयात बुझे याःगु दु।

थ्व स्वया न्ह्यः वःगु मंसिरय् कञ्चनपुरपाखे हे नक्कली नोट छापे यायेगु मेसिन नाप स्वम्हेसित ज्वःगु दु।

Categorized in अपराध