सल्यानया कपुरकोटय् बस दुर्घटना जुया १२ म्ह मनू सी धुकुगु दु।

जिल्ला प्रहरी प्रमुख डीएसपी गोविन्द थापाया कथं सीपि झीम्ह मिज व निम्ह मिसापि खः। घटनास्थलय् खुम्ह व अस्पतालय् खुम्ह सी धुकुगु दु। सल्यान सदरमुकाम खलंगा न दाङया तुल्सीपुरपाखे वनाच्वंगु ना १ ख १५५२ नम्बरया बस आइतबाः सुथसिया ११ बजेपाखे कपुरकोट गाउँपालिका–५ स्थित खारखोलाय् दुर्घटना जुगु खः।

उगु दुर्घटनाय् कम्ती न १८ म्ह घाइते जुगु दु धका प्रहरीं धाउगु दु। घाइते जूपि मध्ये गम्भीर अवस्थाय् न्ह्यम्हेसित उपचारया लागि नेपालगञ्ज छ्वंगु खः। मेपि घाइतेपि श्रीनगर व खलंगाया थीथी अस्पतालय् उपचार जुयाच्वंगु दु धका डीएसपी थापां जानकारी बिउगु दु।

Categorized in राष्ट्रिय