युरोपेली युनियनं गरिब देशय् ३सः बिलियन युरो लगानि याइगु
कछलागा द्धादशी ११४२, मंसीर १६ बिहीबाः
युरोपेली युनियनं हलिंया गरिब अले विकाशशिल देय्या भौतिक पूर्वाधारय् ३सः बिलियन युरो लगानि याइगु जूगगु दु ।
हलिमय् चिनया अप्वयाच्वंगु प्रभावयात निस्तेज यायेत इयुं थुलि तःधंगु लगानिया खाका तयार याःगु खः । थ्व रकम खास यानाः सडक, पुल, बन्दरगाह, विमानस्थल, उर्जालिसेंया क्षेत्रय् लगानि यायेगु इयुया तयारी दु ।
इयुं थुकियात चिनया तसकं महत्वकांक्षी बेल्ट एण्ड रोड इनिसिएटिभ (बिआरआई) या बिकल्प धाःगु दु । चिनं बिआरआईया त्वहलय् गरिब अले विकाससिल देशय् त्यासाया कु जक कुबीकूगु इयुया द्वपं दु ।
चिनिया त्यासां हलिंया गुलिखे देय् टाट पल्टे जुइगु अवस्थाय् थ्यंगु अले छुं देय्या महत्वपूर्ण सामरिक केन्द्र चिनिया अधिनय् वंगु इयुया तर्क दु ।
इयुं थःगु लगानिं हलिंया मेगु देय्यात दिगो साझेदारी अले लाभदायक आयोजनाय् प्रेरित याइगु जिकिर याःगु दु ।
Categorized in अन्तर्राष्ट्रिय