२०७९ श्रावण २५, बुधबार

कांग्रेसया प्रदेश समितिइ आःतक खुगु थासय् निर्वाचन जुल

लहनान्युज | थिंला द्धितीया ११४२, मंसीर २० सोमवाः

कांग्रेसया प्रदेश समितिइ नेतृत्वया लागि जुगु चुनावय् संस्थापन व संस्थापन इतर समूह दथुइ तीव्र प्रतिस्पर्धा जुगु खनेदु।

चुनाव जुगु खुगु प्रदेशमध्ये सुदूरपश्चिम, कर्णाली व वाग्मती प्रदेश सभापतिइ शेरबहादुर देउवा व गण्डकी व लुम्बिनीइ संस्थापन इतर समूह विजयी जुगु दु। प्रदेश–१ य् देउवाया समर्थनय् कृष्ण सिटौला समूहया उद्धव थापां निगु मतं विजयी जुगु खः। सभापतिइ थापां ८ सय ४४ मत व संस्थापन इतर पक्षं गुरुराज घिमिरे न ८ सय ४२ मत कायउगु खः। अथेहे लुम्बिनी प्रदेशय् संस्थापन इतर समूहया अमर पुन विजयी जुगु खः।

वाग्मती प्रदेश सभापतिइ इन्द्रबहादुर बानियाँ विजयी जुगु खः। बानिया न १ हजार ८५ व जगदीश्वर नरसिंह केसीं ९ सय २७ मत काउगु खः। सुदूरपश्चिम प्रदेश सभापतिइ वीरबहादुर बलायर, कर्णालीइ ललितजङ्ग शाही व गण्डकी सभापतिइ शुक्रराज शर्मा विजयी जुगु खः। प्रदेश–२ य् धासा अधिवेशन गुवलय् अन्योल जुगु दु।

प्रदेश–२ या च्यागू जिल्लाय् ३२ गु प्रदेश सभा निर्वाचन क्षेत्रमध्ये न्ह्यगू निर्वाचन क्षेत्रय् अधिवेशन जूगु मदुलिं प्रदेश अधिवेशन स्थगित जुगु दु।

Categorized in राजनीति