नेपाली कांग्रेस सभापति नाप प्रधानमन्त्री शेरबहादुर देउवां पदाधिकारीनाप उम्मेदवार ल्ययेगु निति थःनिकटया नेतापिनिगु बैठक सःतूगु दु।

थौं बैठक बुधबाः सुथय देउवाया निजी निवास बुढानीलकण्ठय् सःतूगु खः। महाधिवेशन सुरु जुइगु निन्हु जक ल्यःदुगु इलय् आःतक उम्मेदवार जुइपि टुंगे याउगु मदुनि।

सभापतिइ देउवा हे उम्मेदवार जुइगु निश्चित दु सा पदाधिकारी व केन्द्रीय सदस्यया उम्मेदवार टुंगे याउगु मदुनि। संस्थापन समूहय् निम्ह उपसभापतिया लागि विजयकुमार गच्छदार व पूर्णबहादुर खड्काया चर्चा दु।

अथेहे निम्ह महामन्त्री पदय् बागु दर्जन आकांक्षीपि दु।महामन्त्रीया लागि ज्ञानेन्द्रबहादुर कार्की, बालकृष्ण खाँण, डा. प्रकाशशरण महत, एनपी साउद, विश्वप्रकाश शर्मा व रमेश लेखकपिनिगु दावी दु।

देउवायात महामन्त्री ल्ययेगु तसकं थाकुइ खने दु। 

Categorized in राष्ट्रिय