सभापतिइ थःगु दाबी कायम हे तिनि नेता प्रकाशमान सिंह
लहनान्युज | थिंला पंचमी ११४२, मंसीर २२ बुधवाः
नेपाली कांग्रेसया नेता प्रकाशमान सिंहं पार्टी सभापति पदय् थःगु दाबी कायम हे दु धका धाउगु दु।
थौं येँया बिहीबाः सुथय् बानेश्वरय् जुगु सन्त नेता कृष्ण प्रसाद भट्टराईया शालिक अनावरण यानादीसे नेता सिंहं १४ क्वःगु महाधिवेशनय् सभापति पदया दौडय् थः लिचिलागु मदुनि धका धाउगु खः।
कांग्रेसयात विधि विधान कथं न्ह्याकेगु व जनताया अपेक्षा पूरा याये फइगु भरोसायोग्य पार्टी दयका सभापतिइ थःगु दाबी यानागु धका धाउगु खः। कांग्रेसया संस्थापनइतर समूहया सभापति पदया आकांक्षीपिन्स दाबी मत्वतुगुलि उम्मेदवार टुंगे यायेत सकस जुयाच्वंगु इलय् सिंहया थज्यागु भनाइ सार्वजनिक जुगु खः।
संस्थापनइतर समूहपाखे सिंहनाप वरिष्ठ नेता रामचन्द्र पौडेल, महामन्त्री डा. शशांक कोइराला व केन्द्रीय सदस्य डा. शेखर कोइरालापि आकांक्षी खः। शशांकं सहमति जूसा थःम्ह त्वते धका धागु खः। यदि पौडेल, सिंह व शेखर दथुइ सहमति मजुसा सभापतिया रुपं थः न्ह्या वनेगु धका धाउगु खः।
Categorized in राष्ट्रिय
