दक्षिण अफ्रिकाय् कोभिड–१९ या न्हुगु भेरियन्ट ओमिक्रोनं सङ्क्रमित जूपिनिगु ल्याः हलियक हे दकलय् अप्पो खनेदुगु दु।

विश्वय् खनेदुपि सङ्क्रमितमध्ये दक्षिण अफ्रिकाय् जक ४६ प्रतिशत दु धका विश्व स्वास्थ्य सङ्गठन (डब्ल्यूएचओ) न धाउगु दु। दक्षिण अफ्रिकाय् लिपापगु न्ह्यन्हुया दुने ओमिक्रोन भेरियन्टया सङ्क्रमितपि २२५ प्रतिशतं थहावंगु दु।

तर, सङ्क्रमण फैलै जुया वसा गम्भीर बिरामी जूपि धासा ६ प्रतिशत जक खनेदु धका सङ्गठनं धाउगु दु।ओमिक्रोन भेरियन्ट खनेदुगु मध्ये ६ प्रतिशत जक आईसीयूलय् भर्ना जुयाच्वंगु दु।

विश्व स्वास्थ्य सङ्गठनं खोप सल्लाहकार समितिया कथं प्रतिरक्षा प्रणाली कमजोर जूपि ओमिक्रोनया सङ्क्रमण जुगु दु। रोग प्रतिरोधात्मक क्षमता कमजोर जूपिन्त बुस्टर डोज बिइत समितिं सुझाव बिउगु दु।

Categorized in अन्तर्राष्ट्रिय