२०८० चैत्र १६, शुक्रबार

मिलन पाण्डेयात साधारण सदस्य तक मजुगु कथं निष्कासन

लहनान्युज | थिंलागा द्धितीया ११४२, पुष ६ मंगलवाः

विवेकशील साझा पार्टीया अध्यक्ष रवीन्द्र मिश्रं पार्टीया संयोजक मिलन पाण्डेयात साधारण सदस्य तक मजुगु कथं निष्कासन याउगु दु।

पार्टीया केन्द्रीय कार्यसम्पादन समितिइ थौं मङ्गलवाः च्वंगु बैठकं पार्टीया विधान २०७८ या भाग ७ (३१.१) या अधिकार प्रयोगयासे पाण्डेयात सदस्य तक मजुगु कथं निष्कासन यायेगु निर्णय जुगु धका अध्यक्ष मिश्रं पिकागु विज्ञप्तिइ धाउगु दु।‘विवेकशील साझा पार्टीया संयोजकया जिम्मेवारीय् छिं पार्टीयात गम्भीर क्षति याउगु कथं बदनियतपूर्वक पार्टी विधान व केन्द्रीय समितिया निर्णय विपरीतया गतिविधि लगातार जारी याउगु।

उकि छिं पुस ४ गतेतक ई बिया लिखित स्पष्टीकरण (च. सं. ५०१) माग यानागु खः । छिं अखःत पार्टीया निर्णय व नेतृत्वप्रति अनर्गल व भ्रमपूर्ण टिप्पणी नाप निकृष्ट व्यक्तिगत द्धपः बिइगु ज्या जुगु जारी व समानान्तर समिति हे घोषणा याउगु खनेदु । अतः छित थौंनिसे लागू जुइगु कथं पाटीया सदस्य तक मदुगु कथं निष्कासन यायेगु निर्णय यानागु दु’, विज्ञप्तिइ धयातःगु दु।

नाप पाण्डे न प्रयोग यानाच्वंगु पार्टीया नां, लेटरहेड, छाप, चुनाव चिं व पार्टीनाप सम्बन्धित छु न सामग्री थौंया मितिनिसे प्रयोग मयायेत व यासा प्रचलित कानुन कथं कारबाही न्ह्याकेगु धका अध्यक्ष मिश्रं उल्लेख याउगु दु।

Categorized in राजनीति