प्रदेश २ या नां मधेस तयेगु प्रस्ताव वल
लहनान्युज | थिंलागा चतुर्थी ११४२, पुष ८ बिहीवाः
प्रदेश २ या नां मधेस तयेगु निति सत्तारुढ जनता समाजवादी पार्टी (जसपा), नेकपा माओवादी केन्द्र व लोकतान्त्रिक समाजवादी पार्टी (लोसपा) न प्रस्ताव याउगु दु।
बिहीबाः प्रदेशसभा बैठकय् जसपाया नेता शैलेन्द्रकुमार यादव, नेकपा माओवादी केन्द्रया सांसद भरत साहं मधेस नां प्रस्ताव याउगु खः। विपक्षी दल लोसपाया सांसद रानी कुमारी तिवारी न मधेस नामय् समर्थन याउगु दु।
१०४ म्ह सदस्यीय दुगु प्रदेशसभाय् जनता समाजवादी पार्टीया ३९, लोकतान्त्रिक समाजवादी पार्टीया १६ व माओवादी केन्द्रया ८ म्ह सांसदपि दु। प्रदेशसभापाखे नां पारित यायेत प्रदेशसभाय् निगु तिहाइ अर्थात ६९ म्ह सांसदपिनिगु समर्थन आवश्यक जुइ।
जसपा, लोसपा व माओवादी केन्द्रया समर्थन जक प्रदेशसभाय् मधेस नां पारित जुइ सम्भावना धासा मदु।
नेपाली कांग्रेसया सांसद शिवचन्द्र चौधरी मधेस स्वया त्रेतायुगनिसे वंगु संस्कृति व इतिहासयात जगेर्ना जुइगु कथं प्रदेशया नां मिथिला भोजपुरा तयमाः धका धाउगु दु।
Categorized in राष्ट्रिय