येँ महानगरपालिका मेयर विद्यासुन्दर शाक्यं कोरोना रोकथाम व न्यूनीकरणया नितिं सरकारं स्थानीय तहलिसे समन्वय मयाःगु द्वपः बिउगु दु।

 

मेयर शाक्यं कोभिड १९ या स्वंगूगु लहर रोकथाम व न्यूनीकरणया नितिं सरकार व जिल्ला प्रशासनं छुं नं कथंया समन्वय मयाःगु धका धाःगु दु। सरकारी निर्णय कार्यान्वयन यायेगु मू जिम्मेवारी स्थानीय तहया जूसां नं सरकारं लिपांगु इलय् कोभिड १९ या सन्दर्भय् याःगु छुं नं निर्णय महानगर नाप सल्लाह व सुझाब मकाःगु धका मेयर शाक्यं द्वपः बिउगु खः।

 

मेयर शाक्यं धाउगु दु, ‘न्हापा प्रधानमन्त्री, उपप्रधानमन्त्री, विभागीय मन्त्रीपिन्सं जिपिंलिसे सल्लाह यायेगु याः। नाप उपत्यका नगरपालिका फोरमया मुँज्याय् मंकाः कथं उगु मुँज्याय् सःतेगु न याः। अप्पो ं खँ जिपिंलिसे सहलह यायेगु याः। समस्या छु खः ? उकियात गुकथं समाधान यायेगु खः? अज्याउगु निर्णय जुइ ।

 

सरकारं याइगु निर्णय कार्यान्वयन यायेगु स्थानीय हे जुइ । थन छुं जुल धाःसा च्वय् च्वंगु लेभलया सुं नं मालीमखु । म्हिगः कोरोनापाखें देसयात बचेयायेत व मुक्कं स्वनिगःयात बचेयायेत, महानगर बचेयायेत जिमिसं थःथःगु थासं क्रियाशीलता क्यना । उकिया हुनिं आपालं न्यून जक क्षति जुल ।’