२०८१ आषाढ ५, बुधबार

थिमिया इन्द्रायणी देगलं पुलाउगु सामान खुयायकल

लहनान्युज | पोहेलागा द्धादशी ११४२, माघ १५ सनिवाः

मध्यपुरथिमि नगरपालिका वडा ४ य् इन्द्रायणी देगलं म्हिगः सलंसः दँ पुलांगु सामान खुया यंकूगु दु।

देगलय् दुने तयातःगु सामान निगु ताःफ्वः तछ्याना खुयायंकूगु धका प्याखं गुरु अर्जुन श्रेष्ठं धाउगु दु। वय्कलं धाउगु दु सलंसः दँ पुलांगु बाजां, भुस्या १२० ज्वः (४० गः), छुस्या छज्वः, झ्याली छज्वः, पाःबाजं छज्वः खुयायंकूगु खः।

अथेहे देगलय् दुगु सलंसः दँ पुलांगु शङ्ख, शालिक सहितया आरती थज्याःगु सामान नं खुया यंकूुगु धका धाउगु दु। महानगरीय प्रहरी वृत्त थिमिया प्रहरी नायब उपरीक्षक नरहरि रेग्मी न खुया यकूगुलि अनुसन्धान सुरु जूगु धका धाउगु दु।

छुं दिं न्ह्यः वडा ४ या इनालाछीया राज गणेद्यःया देगलय् दुगु पाल्चात खुया यंकूगु खः । लिपांगु इलय् स्वनिगःलिसें थीथी ठासं देगःया मूर्ति व मूवंगु सामानत खुइगु गिरोह हे सक्रिय जूगु जुइफूगु धका प्रहरीया शङ्का दु।

Categorized in अपराध