२०७९ आषाढ १४, मंगलबार

नेवाः आइडलया लाईभ अडिसन किपूलिइ जुइगु

लहनान्युज | सिल्लाथ्व पारु ११४२, माघ १९ बुधवाः

फाल्कोण इभेन्टया ग्वसालय्  नेपालभाषाया म्ये न्ह्यब्वयेगु कासा नेवाः आइडल फाल्कोण इभेन्टपाखें न्ह्याकाः वयाच्वंगु दु।

कोभिड १९ या कारण लिछ्याःगु थुगु ज्याझ्वः हाकनं न्ह्याःगु दु । आः थुकियागु लाईभ अडिसन येँ व यलय् न्ह्याये धुकुगु दु। आः लिपांगु लाईभ अडिसन कथं किपुली नेपालभाषा एकेदेमिया हलय् थ्व हे वइगु माघ २९ गते शनिवाः न्हिनसिया १२ः३० ता ईनिसें सनिलया ५ ता ईतक अडिसन ज्याझ्वः जुइ धका नेवाः आइडल ज्याझ्वःया निर्माता मनोज नेवाः खड्गीं लहानान्युजयात जानकारी बियादीगु दु ।

नेवाः आइडलया उपलब्धीया विषय निर्माता खड्गीं धयादीगु दु, ‘देसया परिस्थिति स्वयेबलय् नेवाः आइडलं महत्वं जाःगु भूमिका म्हितीइ धैगु भलसा कया थुगु ज्याझ्वः ग्वसाः ग्वःयागु खः । थुगु ज्याझ्पाखे नेपालभाषाया संगीतख्यः बिकास जुइगु भलसा कयादीगु दु। नेवाः आइडल कासा ज्याझ्वःपाखे मातृभाषा संरक्षणया लिसें संगीत कला क्षेत्रय् प्रतिभा न्ह्यब्वयाः उत्कृष्ट नेवाः म्हसीका याकेगु आज्जुइ ज्वना न्ह्यःने वयाउगु खः।

थुग ज्याझ्वलय् सकल नेवाःपिन्सं साथ बिइ धइगु आशा यानागु दु । धाइ भाषं हे जातीय म्हसीका जुइ उकिं मातृभाषायात आत्मसाथ यानाः फुक्क प्रतिभावान् म्येहालामिपिन्सं साथ बियादीत दुनुगलंनिसें इनाप यानाच्वना ।’ नेवाः आइडल वंगु छु दिं न्ह्यः यल पूच्वय् जुगु अडिसनय् मुक्कं ३८ म्ह म्येहालामिपिं निगूगु चरणया नितिं छनौट जूगु खः।

Categorized in मनोरन्जन