येँया अस्पतालय् यक्को शुल्क कया कोरोना संक्रमण मजुगु नक्कली रिपोर्ट दयकूपिन्त ज्वंगु दु।

अस्पताल व प्रयोगशालाय् विचौलियानाप मिले जूया नक्कली पीसीआर रिपोर्ट दय्किपिन्त ज्वनागु धका नेपाल प्रहरीे अपराध अनुसन्धान महाशाखां धाउगु दु।

मध्युपर थिमीइ च्वंगु नागरिक कम्युनिटी टिचिङ अस्पताल व येँया तीनकुने च्वंगु कान्तिपुर अस्पतालय् नक्कली पीसीआर रिपोर्ट दयकूगु द्धपनय् अनया कर्मचारी व छू विचौलियापिन्त ज्वनागु धका अपराध अनुसन्धान महाशाखाया सूचना अधिकृत प्रहरी उपरिक्षक कृष्णप्रसाद कोइरालां जानकारी बिउगु दु। विदेह नगरपालिका–४ धनुषाया रोशनकुमार छिट्टान, छिरेश्वर नगरपालिका–१ धनुषाया नागेन्द्र यादव, तेमाल गाउँपालिका–५ काभ्रेया माधव मैनाली व बलरा नगरपालिका–७ सर्लाहीया प्रसन्नकुमार झापिन्त ज्वंगु खः।

अथेहे राजदेवी नगरपालिका–४ रौतहटया भावेश मित्र व येँ महानगरपालिका–३२ या निर्मल गिरी धासा फरार जुगु दु। प्रहरीया कथं प्रसन्नकुमार झा नागरिक कम्युनिटी टिचिङ अस्पतालया ल्याब प्रबन्धक खःसा भावेश मिश्र नागरिक कम्युनिटी टिचिङया पीसीआर ल्याब सञ्चालक व निर्मल गिरी कान्तिपुर अस्पतालया पीसीआर ल्याब सञ्चालक खः।

अथेहे विचौलिया व ल्याबया कर्मचारी नाप व्यवस्थापनपि मिले जुया विदेश वनिइपिन्त पीसीआर रिपोर्ट नेगेटिभ दयका छम्हेसित झीद्धः तका कायेगु याः धका अपराध अनुसन्धान महाशाखां धाउगु दु। प्रहरीं उपिपाखे पीसीआर रिपोर्ट नेगेटिभ दयकेगु कम्प्युटर मनिटर, ल्यापटप, सीपीयु, नक्कली पीसीआर रिपोर्ट व मोबाइ लगायत सामग्री तक बरामद याउगु खः।

Categorized in अपराध