वरिष्ठ पत्रकार नाप साहित्यकार, नेवाः न्ह्यलुवाः मल्ल के सुन्दरयात गोविन्द वियोगी सम्मान देछाइगु जूगु दु।

सम्पादक समाजं मल्ल के सुन्दरयात सम्मान यायेगु खँ क्वःछ्यूगु खः। मल्ल के सुन्दर नाप थुगु सम्मान वरिष्ठ पत्रकार पुरुषोत्तम दाहाल व कृष्णा ताम्राकारयात नं लःल्हाइगु निर्णय जूगु दु।

अथे हे गोविन्द पत्रकारिता सिरपाः हिमालय टेलिभिजनया राजेन्द्र बानियाँ व विशेष पत्रकारिता सिरपाः राससया बिष्णुप्रसाद नेपालयात लःल्हाइगु जूगु दु।

समाजं थुगुसीया सिरपाः लःल्हायेगु ज्याझ्वः शिवपुरीइ दयेकूगु गोविन्द वियोगी पत्रकारिता अध्ययन केन्द्रय् यायेत्यंगु दु।

Categorized in राष्ट्रिय