देय् संघीयता वन धइकथंया अनुभूति याये फइगु अवस्था हे मदु धासें न्हयगू प्रदेशया नामाकरण जूगु नं वास्तविक संघीयताया प्रतिनिधित्व याइकथं मखसे थ्व भौगोलिक रुपं नामाकरण यायेत जक संघीयता जूगु वय्कलं धयादिल । उगु खँ वय्कलं नेवाः देय् दबू येँ महानगर समितिया न्हापांगु अधिवेशनया उलेज्याझ्वलय् मूपाहांया थासं धयादीगु खः।

 

ज्याझ्वलय् विशेष पाहां येँ महानगरपालिकाया उपप्रमुख हरिप्रभा खड्गी श्रेष्ठं थः गुकथं राजनीति न्ह्याः वना व थौं गुगु थासय् थ्यन अनतक थ्यंकेत प्यंगू दशकया राजनीतिं सफल जूगु खँ धयादिल । लिसें आः मिसात नं न्ह्याः वनेगु स्वयेमाः धासें न्ह्याबलें छेँज्या, ज्याकुथिइ वनेगु व छेँजःयात जक स्वयेमाः धकाः लिकुना मच्वँसे राजनीतिक रुपं मिसात न्ह्याः वनेगु स्वयेमाः धयादिल।

 

 

अधिवेशनं शोभा महर्जन वज्राचार्यया अध्यक्षताय् न्हूगु ज्यासना पुचः ल्यःगु खः । ज्यासना पुचलय् रमेशकुमार जोशी वरिष्ठ न्वकु, गीता सिख्राकार मिसा न्वकु व शैलेस डंगोलयात न्वकु ल्यःगु दुसा अर्विन्द्रमान सिं छ्याञ्जे, सुलोचना मानन्धर श्रेष्ठ मिसा छ्याञ्जे व मनोरत्न शाहीयात  सर्वसम्मतिं दांभरिंलय् ल्यःगु खः । 

 

समितिइ महानगरया दक्वं वडापाखें प्रतिनिधि जुइकथं दुजः ल्यःगु खः । दुजलय् धनेश्वरी श्रेष्ठ, मन्दिरा ताम्राकार, चन्द्रकिरण राजभण्डारी, जगदिशमान श्रेष्ठ, उद्धव खड्गी, श्रीकृष्ण महर्जन, विना महर्जन, सानुमैयाँ डंगोल, नरेश खड्गी, रमेश खड्गी, लोकनाथ महर्जन, किरोजमान सिं, विभूति मानन्धर, दीपक मुल्मी, मिरा महर्जन, सजिब वज्राचार्य, ओमकुमार प्रधान, रजना तुलाधर, रोशन महर्जन व निस्मा डंगोलयात सर्वसम्मतिं ल्यःगु खः । 

 

थुकथं हे अधिवेशनं जिल्ला प्रतिनिधिइ श्रीकृष्ण डंगोल, न्हुछेकृष्ण श्रेष्ठ, भरत मालाकार, निर्मला सिं, विनोद तुलाधर, संजय ध्याको, प्रकाशज्योति वज्राचार्य, धनकुमार तण्डुकार, राजाराम कपाली, अञ्जली शाक्य, सुरेश शिलाकार, सिलुकाजी महर्जन, केशव महर्जन, कविता प्रधान व अमिता महर्जनयात ल्यःगु दुसा प्रदेश प्रतिनिधिइ नीलकण्ठ महर्जन, प्रा. बालकृष्ण श्रेष्ठ, अशोककुमार तण्डुकार, संजय महर्जन व उदेन न्हूसाय्मित सर्वसम्मतिं ल्यःगु दु।