२०८० चैत्र १६, शुक्रबार

कासाया माध्यमं स्वच्छ सहर निर्माण यायेत महानगरं कासाय् लगानी अप्पोकागु दु—मेयर शाक्य

लहनान्युज | चिल्लाथ्व तृतीया ११४२, फागुन २१ सनिवाः

येँ महानगर वडा १८ य् न्हापागु ताम्सिपाखा स्पोर्टस कार्निभल २०७८ क्वचाउगु दु।

फागुन ७ गतेनिसे सुरु जुगु कार्निभल बास्केटबल, फुटसल, म्याराथन, टेवुलटेनिस व व्याटमिन्टन याना न्यागु कासा समावेश याउगु खः। कार्निभल व्यवस्थापन ताम्सिपाखा युथ क्लवं ग्वाहालि याउगु खः।

कार्निभलया विजेतापिन्त महानगरया मेयर विद्यासुन्दर शाक्यं पदक, प्रमाण पत्र व नगद पुरस्कार लल्हाःगु खः। फुटसल व बास्केटबलय् न्हाप लापिन्त १८ हजार रुपैयाँ व ल्यू लापिन्त १० हजार रुपैयाँ, टेवुल टेनिस व व्याटमिन्टनय् न्हाप जुपिन्त ५ हजार रुपैयाँ व ल्यूलापिन्त ३ हजार रुपैयाँ नगद पुरस्कार बिउगु खः।

म्याराथनपाखे न्हाप लापिन्त ८ हजार, ल्यू लापिन्त ५ हजार व ल्यूयाल्यु लापिन्त ३ हजार रुपैयाँ लल्हागु खः। सिरपा लल्हादीसे मेयर शाक्यं धयादीगु दु, कासाया माध्यमं स्वस्थ्य सहर निर्माण यायेत महानगरं लगानी अप्पोकाउगु दु, धका धयादीगु खः।

Categorized in कासा