देयन्यक थप १९४ म्ह संक्रमण पुष्टि
रसिया श्रेष्ठ | चिल्लाथ्व षष्ठी ११४२, फागुन २४ मंगलवाः
वंगु २४ घण्टाया दुने देयन्यक थप १९४ म्ह कोरोना भाइरस संक्रमण पुष्टि जुगु दु।
अथेहे छम्हेसिगु ज्यान वंगु दु। स्वास्थ्य तथा जनसंख्या मन्त्रालयया कथं ३ हजार ६३८ म्हेसिगु पीसीआर परीक्षण यागुलि ७४ म्हजन व २ हजार ७५६ म्हेसित एन्टीजेन परीक्षण याउगुलि १२० म्ह याना १९४ म्हेसित संक्रमण पुष्टि जुगु दु।
वंगु २४ घण्टाया दुने देयन्यक ३४८ म्ह कोरोना संक्रमणमुक्त जुगु दु। अथेहे देयन्यक ५ हजार ८७५ म्ह संक्रिय संक्रमितपि दु।
उकि मध्ये ५ हजार ७५४ म्ह होम आइसोलेसनय् व १३० म्ह संस्थागत आइसोलेसनय् दु।
Categorized in राष्ट्रिय