वाःया न्हापागु दिं थौं सेयर कारोबार मापक नेप्से परिसूचक ४१ अंकं घटे जुगु दु।

नेप्से परिसूचक ४१ दशमलव ४३ अंकं घटे जुया २ हजार ५ सय ७२ दशमलव २३ अंकय् कुहावंगु दु। ‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ९ दशमलव ५५ अंकं कुहावंगु दु।

कारोबार रकम धासा ५ अर्ब न्ह्यने थ्ंयगु दु। न्हिच्छियक ६२ हजार १६४ कारोबारपाखे ८९ लाख २३ हजार १४ कित्ता सेयर किनबेच जुगु दु। उकि मध्ये कारोबार रकम ४ अर्ब ९८ करोड ९५ लाख १४ हजार ४ सय १६ रुपैयाँ थ्यंगु दु।

समग्र बजाः घटे जुया बीमा कम्पनीया सेयर भाः धासा थहावंगु दु। बीमा समितिं बीमा कम्पनीपिनिगु पुँजी वृद्धि यायेगु निणर्य याउगु दु।

समितिया निणर्य कथं आःतक २ अर्ब रुपैयाँ चुक्ता पुँजी तोके याउगु जीवन बीमा कम्पनीपिनिगु ५ अर्ब व आः १ अर्ब रुपैयाँ जक चुक्ता पुँजी तोके याउगु  निर्जिवन बीमा कम्पनीपिनिगु २ अर्ब ५० करोड रुपैयाँ पुँजी थ्यकूगु दु।

Categorized in राष्ट्रिय