नेकपा एमालें तनहुँइ नेपाली कांग्रेसया नेता नाप पूर्वगृहमन्त्री गोविन्दराज जोशी समूह नाप चुनावी तालमेल याइगु जुगु दु।

म्हिगः शनिबाः जोशी निवास दमौलीइ निगु पक्षया नेतापि दथुइ जुगु छलफलय् चुनावी तालमेल यायेगु सहमति जुगु खः।

नेकपा एमाले तनहुँ व जोशी समूहया प्यम्ह प्यम्हयाना च्याम्ह सदस्यीय ‘चुनाव परिचालन समिति’ गठन यायेगु निर्णय याउगु दु। उगु सहमति कथं एमालेनाप प्रत्येक पालिकाया प्रमुख÷उपप्रमुख, अध्यक्ष÷उपाध्यक्ष, वडाध्यक्ष व सदस्यपि साझा उम्मेदवार दयकिइगु जुगु दु।

गोविन्दराज जोशीया काय् दीपकराज जोशीं थ्व स्वया न्ह्यः हे तनहुँया व्यास नगरपालिकाया प्रमुखय् उम्मेदवारी बिइगु घोषणा याये धुकुगु दु। तनहुँइ कांग्रेस नेता रामचन्द्र पौडेल व गोविन्दराज जोशीपि दथुइ द्वन्द्व दु।

वंगु प्रतिनिधिसभा निर्वाचनय् कांग्रेस नेता पौडेलविरुद्ध बागी उम्मेदवारी बिउगुलि कांग्रेसं जोशीयात न्यादँया लागि पार्टीपाख निस्कासन यायेगु निर्णय याउगु खः।

Categorized in राजनीति