नेकपा एमालेया ११ म्ह नेतापिन्स प्रदेशसभाय् बन्दी सूचीइ थःपिनिगु नां हटे यायेत निवेदन बिउगु दु।

स्थानीय चुनावय् ब्बति कायेत प्रदेशसभा सदस्यया बन्द सूचीइ नां लिकायेत नेतापिन्स निवेदन बिउगु खः।

केन्द्रीय कार्यालयय् वःगु विवरण कथं धनेष यादव (बर्दिया), सिता बराल (बाजुरा), गोविन्द नेपाली (गण्डकी), देवीलाल लामिछाने (पाल्पा), रिनाकुमार चौधरी (कपिलवस्तु), होमबहादुर थापा (तनहुँ), प्रमकुमार लामिछाने (पर्वत) पिन्स समानुपातिक सूचीइ नां लिकायेत निवेदन बिउगु खः।

अथेहे तर्कबहादुर बडुवाल (दैलेख), रामशरण ढुंगाना (स्याङ्जा), कृष्णबहादुर लामिछाने (स्याङ्जा) व रामदास थारु (बाँके) न बन्द सूचीइ नां हटे यायेत निवेदन बिउगु खः।

Categorized in राजनीति