२०८० चैत्र १६, शुक्रबार

नेपालभाषाया पठनपाठनयात अझ च्वन्ह्याका यंकेगु जुइ –केशव स्थापित

नृपेन्दलाल श्रेष्ठ | चौलागा द्धादशी ११४२, बैसाख १४ बुधवाः

येँ महानगरपालिकाया मेयर पदय् नेकपा (एमाले) पाखें उम्मेदवारी बियादीम्ह केशव स्थापितं थःगु हे पार्टीया वर्तमान मेयर विद्यासुन्दर शाक्यं शुरु यानादीगु नेपालभाषाया पठनपाठनयात निरन्तरता बीगु व उकियात अझ च्वन्ह्याका यंकेगु खँ कनादीगु दु ।

स्थापितं धयादीगु दु, थः नं भाषा आन्दोलनया हे छम्ह कार्यकर्ता जूगु कारणं नेपालभाषा व संस्कृति सम्पदाया ख्यलय् शुरु जूगु फुक्क हे ज्यायात थम्हं निरन्तरता बीगु खँ नं वय्कलं धयादीगु दु।

अथे हे नेपालभाषा मंकाः खलःया दबूछेँ दनेगु ज्यायात पूर्णता बीगु लिसें मेमेगु नं भाषिक संस्थायात माःगु ग्वाहालि याना वनेगु खँ नं वय्कलं स्पष्ट यानादिल ।

स्थानीय विषयया पठन–पाठनयात निरन्तरता बीगु धकाः पार्टीपाखें हे जारी याःगु प्रतिवद्धता पत्रय् समेत उल्लेख जुयाच्वंगुलिं नेकपा (एमालें) शुरु याःगु थ्व बांलाःगु ज्यायात थम्हं अझ च्वन्ह्याका यंकेगु खँ नं वय्कलं कनादिल ।

Categorized in राष्ट्रिय