सूर्यविनायक नगरपालिकाया मेयर व उपमेयर एमाले
लहनान्युज | बछलागा चतुर्थी ११४२, जेष्ठ ५ बिहीवाः
सूर्यविनायक नगरपालिकाया मेयर व उपमेयर निगुलि हे नेकपा एमाले विजयी जुगु दु।
मेयरय् एमालेया बासुदेव थापा १४७५८ मतं विजयी जुगु खः। वयकःया निकटतम प्रतिस्पर्धी नेपाली कांग्रेसया निशान ढुङ्गेलं १३२३२ मत काउगु खः।
अथेहे उपमेयरय् एमालेया सरिता भट्टराई (तिमिल्सिना) न १४४९० मत हया विजयी जुगु खःसा नेपाल कम्युनिष्ट पार्टी (एकिकृत समाजवादी) या श्याम सुन्दर बस्नेतं ६ हजार ६ सय ६१ मत हःगु खः।
Categorized in राष्ट्रिय
