कविकेशरी चित्तधर हृदयया ११६ बुदिंया लसताय् नेपालभाषा परिषदं कवि नवीन चित्रकारयात ‘भाषाथुवाः’ या उपाधि लःल्हागु दु।

परिषदं ‘चित्तधर सिरपा’ कवि डा आनन्द जोशीयात बिउगु  दुसाः ‘मोतीलक्ष्मी सिरपा’ बांखच्वमि सरस्वती तुलाधरयात बिउगु खः। ‘केशवलाल सिरपा’ आख्यानकार केदार सितुयात अले ‘ठाकुरलाल सिरपा’ नियात्राकार विमलप्रभा बज्राचार्ययात व ‘पूर्ण—हीरा सिरपा’ समालोचक कुन्दनप्रसाद श्रेष्ठयात बिउगु खः।

नेपाल प्रज्ञा प्रतिष्ठानलिसे मंकाः कथं जुगु उगु ज्याझ्वलय् प्रज्ञा प्रतिष्ठानया कुलपति गंगाप्रसाद उप्रेती मूपाहाँ कथं झाउगु खः। भाषा विभागया कजि लक्ष्मी मालिया सभाध्यक्षताय् जुउगु उगु ज्याझ्वलय् समालोचक पूर्ण ताम्राकारं कवि केशरी चित्तधर हृदय व नेपालभाषा साहित्य विषययात कया मू खँ न्ह्यब्वयादिगु खः।

ज्याझ्वलय् कवि श्रीराम श्रेष्ठं केशरी चित्तधर हृदयया कृति वाचन यानादिल। अथेहेतुं सदस्य सचिव जगतप्रसाद उपाध्यायं सुभाय् न्वचु बियादप्थस खः।

Categorized in राष्ट्रिय